كەشناسی: لە ھەندێك ناوچە بارانی بە لێزمە دەبارێت
كەشوھەوای ھەرێمی كوردستان
K24 - ھەولێر
بە گوێرەی پێشبینیەكانی كەشناسی بارانبارین ھەرێمی كوردستان بەردەوام دەبێت و لە ھەندێك ناوچە بارانی بە لێزمە دەبێت و لە ناوچە شاخاوییەكانیش بەفر دەبێت.
بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو بڵاوكردەوە، بەپێی پێشبینیەكان ئەمڕۆ ئاسمانی ھەرێمی ھەور دەبێت و بارانبارین بەردەوام دەبێت، لە ھەندێك ناوچە و كاتی جیادا لێزمە باران دەبێت و ھەورە تریشقەی لەگەڵ دەبێت، لە ناوچە شاخاوییە بەرزەكان بەفر دەبارێت.
كەشناسی لەبارەی كەشوھەوای سبەی پێشبینی دەكات، رۆژی ھەینی ئاسمانی ھەرێمی كوردستان ھەوری تەواو و نیمچە ھەور دەبێت باران دەبێت تا كاتەكانی بەیانی و پاشان دەگۆڕێت بۆ نیمچە ھەور و پەڵە ھەور، لە ناوچە شاخاوییە بەرزەكان ئەگەری بەفربارین ھەیە.
