كەشناسی وادەی كۆتایی ھاتنی شەپۆلی بارانبارینی راگەیاند

K24 - ھەولێر

بە گوێرەی پێشبینییەكانی كەشناسی، ئەمڕۆ كاریگەریی ئەو شەپۆلە باران بارینە كەم دەبێتەوە، كە دوو رۆژە ھەرێمی كوردستانی گرتۆتەوە و كاتی كۆتایی ھاتنی ئەو شەپۆلەش ئاشكرا دەكات.

بەڕێوەبەرایەتیی كەشناسی و بومەلەرزەزانی ھەرێمی كوردستان، پێشبینییەكانی بۆ كەشوھەوای 48 كاتژمێری داھاتوو بڵاوكردەوە، بەپێی پێشبینییەكان، ئەمڕۆ ئاسمانی ھەرێمی كوردستان ھەور دەبێت و بە رێژەی جیاوازیش لەناوچەكاندا باران دەبارێت، لە ھەندێك ناوچەیش ئاسمان بۆ نیمچە ھەور ده‌گۆڕێت.

كەشناسی لەبارەی كەشوھەوای سبەی، پێشبینی دەكات، كه‌ رۆژی سێشەممە ئاسمانی ھەرێمی كوردستان لەنێوان ساماڵ و نیمچە ھەوردا دەبێت.