دەمیرتاش لە زیندانەوە پەیامێك بۆ دەنگدەران دەنێرێت
ھەڵبژاردنی شارەوانییەكان لە توركیا و باكووری كوردستان بەڕێوەدەچێت
K24 - ھەولێر
سەڵاحەدین دەمیرتاش، داوا ھاووڵاتیانی توركیا و باكووری كوردستان دەكات، بچنە سەر سندووقەكانی دەنگدان و دەنگ بدەن.
سەلاحەدین دەمیرتاش، ھاوسەرۆكی پێشووی پارتی دیموكراتی گەلان )ھەدەپە) لە زیندانەوە پەیامێكی لە رێی تویتەرەكەیەوە بڵاوكردەوە و رایگەیاند، بڕۆنە سەر سندووقەكانی دەنگدان، پرۆسەكە بایكۆت مەكەن، تا كۆتایی بەردەوام بن.
دەمیرتاش گوتیشی، بە پەرۆشەوە چاوەرێی ئەنجامێكی باشی سندووقەكانی دەنگدان دەكەن.
ئەمڕۆ دەنگدان بۆ ھەڵبژاردنی شارەوانییەكان لە شارەكانی توركیا و باكووری كوردستان بەڕێوەدەچێت. 57 ملیۆن كەس مافی دەنگدانیان ھەیە.
ھ.م