لە مووسڵ شەڕ لەنێوان پۆلیس و حەشدی شەعبی روویدا
حەشد لەبارەی شەڕەكە روونكردنەوە دەدات
.jpg)
K24 - ھەولێر
لەشاری مووسڵ، شەڕ لەنێوان پۆلیسی عێراق و حەشدی شەعبی روویدا و بەهۆیەوە دوو چەكداری حەشد برینداربوون.
بەگوێرەی روونكردنەوەیەكی حەشدی شەعبی، لەكاتێكدا ژمارەیەك چەكدار لە خواردنگەیەكی موسڵدا دەبن، پۆلیسێك و ھاوڵاتییەك دەبێتە دەمەقاڵیان و چەكدارێكی حەشدی شەعبیش ھەوڵدەدات نێوەندگیری بكات، پۆلیسەكە دەست بە تەقەكردن دەكات و لە ئەنجامدا دوو چەكداری حەشد برینداردەبن.
دوای رووداوەكەش، ھەماھەنگی لەگەڵ فەرماندەیی ئۆپەراسیۆنە ھاوبەشەكان كراوە، بۆ پێكھێنانی لیژنەیەكی لێكۆڵینەوە لە رووداوەكە.
ئەمە لەكاتێكدایە پێشتر چەندینجار داواكراوە، چەكدارانی حەشدی شەعبی لە ناوچە سوننەكان و ناو شارەكان بچنەدەرەوە.
ھ.م