سەرکردەیەک و چوار چەکداری داعش کوژران

K24 – هه‌ولێر:

سەركردەیەك و چوار چەكداری دیكەی داعش لە نزیك چیای حەمرین بە بۆردومانی فڕۆکە جەنگییەکان كوژران.

ئاژانسی ھەواڵی رۆیتەرز لە زاری سەرچاوەیەكی سەربازی عێراقیەوە بڵاوی كردووەتەوە، ھێزە ئەمنییەكان سەركردەیەكی داعش و چوار چەكداری دیكەیان لە دەورووبەری چیای حەمرین كوشتووە بێ ئەوەی ناسنامەی ئەو سەركردەیە ئاشكرا بكات.

ئاماژەی بەوەش كردووە، سێ رۆژە بە بەردەوامی فڕۆكەكانی عێراق و ھاوپەیمانی نێودەوڵەتی ناوچەكە بۆردومان دەكەن بۆ لەنێوبردنی جموجۆڵەكانی داعش.

لە كانونی یەكەمی ساڵی 2017، عێراق سەركەوتنی بەسەر داعش و كۆتایی رێكخراوەكەی راگەیاند، بەڵام ھێشتا داعش چەند ناوچەیەكی بەدەستەوە ماوە و لەو ماوەیە بەدواوە بەردەوام چالاكییان ئەنجامداوە و نەتواندراوە كۆتایی بە جموجۆڵەكانیان بھێندرێت.

H.J