چوار سەربازی توركیا كوژران

K24 - ھەولێر

لە شەڕێكی نێوان سوپای توركیا و گەریلاكانی پەكەكە لە ناوچە سنوورییەكانی نێوان باكوور و باشووری كوردستان 4 سەربازی توركیا كوژراون و 6ی دیكەش برینداربوون.

وەزارەتی بەرگری توركیا ئاشكرای كرد، لە شەڕێكی سەخت لە نێوان سوپای ئەو وڵاتە و گەریلاكانی پەكەكە لە سنووری نێوان باشوور و باكوری كوردستان دروستبووە، لە ئەنجامدا چوار سەربازی توركیا كوژراون و شەشی دیكە بریندار بوون.

ئاماژەی بەوەشكردووە، دوای شەڕەكە، ناوچەكەیان بە چڕی بۆردومان كردووە.

تائێستا پەكەكە ھیچ زانیارییەكی لەو بارەوە بڵاو نەكردووەتەوە و وەزارەتی بەرگری توركیاش ئاماژەی بە شوێنی شەڕەكە نەكردووە.

ھ.م