گەشتی راستەوخۆی هەولێر بۆ دوو شاری ئەوروپا دەست پێدەکات

K24 – هه‌ولێر:

کۆمپانیای فڕۆکەوانی Freebirdی تورکی گەشتی راستەوخۆی فڕۆکەوانی لە نێوان هەولێر و هۆڵەندا و ئەڵمانیا دەست پێدەکات.

تەلار فایەق، بەڕێوەبەری فڕۆکەخانەی هەولێر رایگەیاند، هەفتانە سێ گەشتی راستەوخۆ لە شارەکانی ئایندهۆڤن، کۆڵن و ئەنتاڵیا بۆ هەولێر ئەنجام دەدرێن.

دووپاتیشکردەوە کە دۆخی فڕۆکەخانەی نێودەوڵەتی هەولێر بەرەو پێشچووە و چاوەڕێ دەکەن گەشتی راستەوخۆ بۆ وڵاتانی دیکەش زیاد بکرێت.

H.J