بەشیر حەداد: چاوهڕوانین سهرۆكی ههرێم زەمینەسازی بكات بۆ چارەسەری كێشەكانی نێوان بەغدا وهەولێر
پیرۆزبایی له نێچیرڤان بارزانی دهكات
K24 – ههولێر:
جێگری دووهمی سهرۆكی ئهنجوومهنی نوێنهرانی عێراق، بهشیر حهداد رایگهیاند، ئێمە چاوەڕوانی ئەوە دەكەین نێچیرڤان بارزانی كار بۆ زەمینەسازی پێویست بكات بۆ چارەسەركردنی ئەو كێشە و پرسە هەڵپەسێردراوانەی لەنێوان بەغدا وهەولێردا ماون.
دوای ههڵبژاردنی وهك سهرۆكی ههرێمی كوردستان، بهشیر حهداد پهیامێكی پیرۆزبایی ئاراستهی نێچیرڤان بارزانی كرد.
له پهیامهكهدا هاتووه: متمانەیەكی تەواومان هەیە بەوەی سەرۆكایەتی تازە هەڵبژێردراوی هەرێمی كوردستان رۆڵێكی كاریگەر دەبینێت بۆ بونیادنانی پەیوەندیی پتەو و باشتر لەنێوان هەموو حزب و لایەنە سیاسیە كوردستانییەكان و نزیكتركردنەوەی بیر و ڕا و بۆچوونەكان لەسۆنگەی باوەڕی بوون بە یەكڕیزی ماڵی كورد و یەكخستنی و پێشكەشكردنی باشترین خزمەتگوزاری بۆ هاووڵاتیان.
هەروەها گوتی: نێچیرڤان بارزانی ئەزموونێكی چەندین ساڵەی بەردەوامی لەسەرۆكایەتیكردنی حكومەتی هەرێمی كوردستان هەیە و بێگومان رۆڵ و كاریگەری سیاسییان لەسەر ئاستی نیشتیمانی بەردەوام دەبێت. ئێمە چاوەڕوانی ئەوە دەكەین لە بەڕێزیان كار بۆ زەمینەسازی پێویست بكات بۆ چارەسەركردنی ئەو كێشە و پرسە هەڵپەسێردراوانەی لەنێوان بەغدا و هەولێردا ماون هەروەها بۆ بەهێزكردنی پەیوەندی نێوان هەرێمی كوردستان و هێزە سیاسییەكانی دیكەی عیراق، هیوادارین ئاشتی و ئاوەدانی لە كوردستان و هەموو عێراق بەرقەرار بێت.