سهرۆك بارزانی: هیچ مساوەمەیەك لەسەر كوردستانیبوونی ناسنامەی كەركووك ناكەین
پەیامێك لە سەرۆك بارزانییەوە بۆ ڕای گشتی
K24 - ههولێر:
سهرۆك مهسعود بارزانی، له بارهی رهوشی كهركووكهوه پهیامێكی بڵاوكردهوه و تێیدا ئاماژه بهوه دهكات، كێشهی كهركووك تهنیا گرفتی سیاسی نێوان دوو حزب نییه بهڵكو بابهتێكی مێژوویی و سیاسی كۆنه.
سهرۆك بارزانی له بهشێكی پهیامهكهیدا روونیكردووهتهوه، رێككهوتنی لایهنه كوردییهكان ههنگاوێكی گرنگه، بهڵام پێویسته كێشهكانی كهركووك به پارێزگاریشهوه، پێویسته سهرهتا له نێوان ههولێر و بهغدا یهكلایی بكرێتهوه و چارهسهر بكرێت.
سهرۆك بارزانی له پهیامهكهیدا، باس لهوه دهكات، ئێستا كهشێكی ئهرێنی هاتووهته ئارا و پێویسته كهركووك بگهڕێندرێتهوه دۆخی ئاسایی خۆی و ئهوهی ئێستا ههیه ناكرێت بهردهوام بێت.
هاوكات دووپات لهوهش دهكاتهوه، كه هیچ مساوەمەیەك لەسەر كوردستانیبوونی ناسنامەی كەركووك ناكەن و دەبێ كەركووك ببێتە نموونەی پێكەوەژیانی نەتەوەیی و ئایینی و هەموو پێكهاتەكان بتوانن بە ئاشتی و برایەتی و تەبایی لە كەركووكدا لەگەڵ یەكتر بژیین.
دهقی پهیامهكهی سهرۆك بارزانی:
"بەناوی خودای بەخشندە و میهرەبان
كێشەی كەركووك تەنیا گرفتی سیاسیی نێوان دوو حزب یان ململانێی سیاسیی نێوان چەند لایەن نییە، لە ڕاستیدا كێشەی كەركووك بابەتێكی مێژوویی و سیاسی و كۆنە لە هەمانكاتیشدا فرەڕەهەند و گەوەریە.
بەهۆی ئەو بارودۆخە نائاساییەی بەسەر كەركووكدا هاتووە و، لەبەر پێویستیی ئاساییكردنەوەی دۆخی ئەمنی و ئیداریی شارەكە و خزمەتكردنی خەڵكی كەركووك و هەروەها چارەسەركردنی كۆی كێشەكان، ئێمە لەگەڵ ئەوەداین كە ڕێككەوتن و هاوڕایی لایەنە كوردییەكان، هەنگاوێكی گرنگە بەڵام لەگەڵ ئەوەیشدا پێویستە كێشەكانی كەركووك بە پارێزگاریشەوە سەرەتا لە نێوان هەولێر و بەغدا یەكلایی بكرێتەوە و چارەسەر بكرێت، هەر ئەنجامێكیش كە هەبێت دەبێ جێگەی ڕەزامەندیی هەموو پێكهاتەكانی كەركووك بێت.
ئێستا كەشێكی ئیجابی لە پەیوەندییەكانی نێوان هەولێر و بەغدا هاتووەتە ئاراوە و ئەوەیش دەرفەتێكی زۆر باشە كە بە سوودوەرگرتن لەو كەشە ئیجابییە گرفتە ئەمنی و ئیدارییەكانی كەركووكیش چارەسەر ببێت و لە چوارچێوەی دەستووردا كەركووك بگەڕێتەوە سەر دۆخی ئاسایی خۆی. چونكە ئەو بارودۆخەی ئێستا لە كەركووك هەیە ناكرێ بەردەوام بێت.
ئێمە ئێستا و پێشتریش ڕامان وا بووە كە هیچ مساوەمەیەك لەسەر كوردستانیبوونی ناسنامەی كەركووك ناكەین و دەبێ كەركووك ببێتە نموونەی پێكەوەژیانی نەتەوەیی و ئایینی و هەموو پێكهاتەكان بتوانن بە ئاشتی و برایەتی و تەبایی لە كەركووكدا لەگەڵ یەكتر بژیین.
مسعود بارزانی
13ـی 7ـی 2019"