كوڵه‌جۆ.. پێشمەرگە ئۆپەراسیۆنێکی بۆ سەر چەکدارانی داعش دەست پێ کرد

K24 – گەرمیان:

بەرەبەیانیی ئەمڕۆ، چەند لیوایەکی سەربە وەزارەتی پێشمەرگە و هێزەکانی ئاسایش، ئۆپەراسیۆنێکیان بۆ سەر چەکدارانی داعش لە سنووری ناحیەی کوڵەجۆ ئەنجام دا.

عەمید کەمال، فەرماندەی لیوای 5ی پیادەی شارەزوور، بە کوردستان24ی راگەیاند: "بە هۆی دزەکردنی چەکدارانی داعش بۆ ناوچەکەمان، هەڵمەتێکمان بۆ دووبارەنەبوونەوەی دزەکردنی داعش دەست پێ کردووە".

راشیگەیاند، تەنها هێزەکانی پێشمەرگە لەو ئۆپەراسیۆنە بەشدارن و هیچ هەماهەنگییەکیان لەگەڵ هێزەکانی سوپای عێراق و حەشدی شەعبی نییە.

لە سەرەتای ئەم مانگە، چەکدارانی داعش لە ناحیەی کوڵەجۆی سەر بە قەزای کفری، هێرشیان کردە سەر هێزەکانی پێشمەرگە و ئاسایش، بە هۆیەوە دوو پێشمەرگە و دوو ئەندامی هێزەکانی ئاسایش شەهید بوون.

H.J