هونەرمەندێکی شاری کەرکووک کۆچی دوایی کرد

K24 – کەرکووک:

میقداد محەمەد، هونەرمەند و مامۆستای مەقامات و کەسایەتی شاری کەرکووک کۆچی دوایی کرد.

پەیامنێری کوردستان24 لە کەرکووک رایگەیاند، میقداد محەمەد بە نەخۆشی کۆچی دوایی کردووە و ئەمڕۆش پرسەکەی لە شاری کەرکووک دەبێت.

ئەو هونەرمەندە یەکێک بوو لە هاوڕێکانی مامۆستا عەلی مەردان و دامەزرێنەری ناوەندی عەلی مەردان بۆ مەقامات بووە.

خزمەتێکی زۆری هونەریی لە کەرکووک و کوردستان و عێراق کردووە و ماوەی 50 ساڵ کار بۆ بەرەو پێشبردنی مەقام دەکات.

H.J