دهۆك.. 4 ئۆتۆمبێل لێكیاندا.. كه‌سێك گیانی له‌ده‌ستدا و 3ی دیكه‌ش بریندار بوون

K24- دهۆك:

ئێوارەی ئەمڕۆ، لەسەر رێگای سەرەكی نێوان کومەڵگای چڕە بەرەو قەزای شێخان، لە نزیك گوندی مام رەشان، لە رووداوێکی هاتووچۆدا 4 ئوتومبێڵ لێکیاندا.

پەیامنێری کوردستان24 رایگەیاند، رووداوه‌كه‌ له‌ کاتژمێر 4:00ی بووه‌ و لەو رووداوه‌دا، ئافره‌تێك گیانی لە دەستدا و 3ی دیكه‌ش برینداربوون و باری ته‌ندرووستی یه‌كێك له‌ برینداره‌كان ناجێگیرە، ئاماژه‌ی به‌وه‌شدا، سه‌رجه‌م قوربانیه‌كان کوردی ئێزیدین.

ئازاد تاها بەرێوەبەری راگەیاندنی هاتووچۆی دهۆك بە کوردستان 24ی رایگەیاند: لەو چوار ئوتومبێڵانە، دوو لەوان لە جۆری تویوتا بوون و دووی دیكه‌ش بارهەگرێك و پاسێکی تورکی بوون.

ناوبراو ئاشكراشیكرد، سێ لەو ئوتومبێلانە لە شوێنی رووداوەکە مابوون و یەکێکیش رایکردووە و هه‌وڵه‌كانیان بۆ ده‌ستبه‌سه‌ركردنی به‌رده‌وامن.

H.B