31 ساڵ بەسەر ئەنفالی بادینان تێدەپەڕێت
هێشتا کەسوکاری قوربانیان چاوەڕێی روفاتی ئازیزانیان دەکەن
31 ساڵ بەسەر ئەنفالی بادینان تێدەپەڕێت، بەڵام ھێشتا برینی كەسوكاری ئەنفالكراوان سارێژ نەبووە، ئەوان چاوەڕێن روفاتی كەسوكارەكانیان بگەڕێندرێنەوە.
کەسوکاری ئەنفالکراوەکانی بادینان، لە ئێستادا تەنها داواکارییانە ئەوەیە، لەم چاوەڕوانیەی ئێستا رزگاریان بکەن و روفاتی کەسوکاریان بۆ هەرێمی کوردستان بگەڕێندرێتەوە.
ئه‌نفالكردنى بادينان كه كۆتاييى شاڵاوى ئه‌نفاله‌كان بوو، له 25ى ئابه‌وه تا 6ى ئه‌يلوولى 1988 هه‌موو ناوچه‌كانى بادينانى گرته‌وه و تيايدا كيمياباران و گرتن و كوشتن و ڕاگواستن و وێرانكرنى مزگه‌وت و دێر و دێهات و ناوچه‌كانى بادينان له‌لايه‌ن پێنج فيرقه‌ى سه‌ربازييه‌وه ئه‌نجام درا و ئه‌وانه‌يشى له‌و تاوانه ڕزگاريان بوو، ئاواره‌ى ئێران و توركيا و په‌راگه‌نده‌ى وڵاتان بوون.
H.J
