زانیاری لەبارەی ئەو پیاوەی لە دهۆک کۆتایی بە ژیانی خۆی هێنا ئاشکرا دەکرێت

K24 – دهۆک:

پیاوێکی تەمەن 78 ساڵ لە گەڕەکی ماڵتای شاری دهۆک خۆی دەکوژێت و دوای چەند رۆژێک دراوسێکانی پێی دەزانن.

بەڕێوەبەری راگەیاندنی پۆلیسی شاری دهۆک، هێمن سلێمان، بە کوردستان24 راگەیاند: "هاووڵاتییەکە خەڵک و دانیشتووی شاری دهۆکە و دوور لەکەس و کاری بۆ ماوەی دوو ساڵ لەم شووقەیە ژیاوە".

راشیگەیاند: "بە گولـلەیەک کۆتای بە ژیانی خۆی هێناوە".

یەکێک لە دراوسێکانیشی رایگەیاند، بۆنێکی ناخۆش بە باڵەخانەکاندا بڵاوبوو بووەوە، ئێمەش پۆلیسمان لێ ئاگادار کردەوە.

H.J