رووبەڕووبونەوەی سەخت لە نێوان حەشد و داعش لە خانەقین روویدا

K24 – هه‌ولێر:

سوپای عێراق ژمارەیەك مۆڵگەی داعش لە ئەنبار بۆردومان دەكات و لە خانەقینیش شەڕێكی سەخت لەنێوان داعش و حەشدی شەعبی روویدا.

شانەی راگەیاندنی جەنگی عێراق بڵاوی كردووەتەوە، لە چوارچێوەی ئۆپەراسیۆنی نەسر لە بیابانەكان و ناوچە سنوورییەكانی ئەنبار، ژمارەیەك پێگە و حەشارگەی چەكدارانی داعش بۆردومان كراون و ئۆپەراسیۆنەكەش بۆ كۆتایی ھێنان بە جموجۆڵەكانی داعش بەردەوامە.

لەلایەكی دیكەوە پەیامنێری كوردستان24 پێی رایگەیاند، درەنگانی شەوی رابردوو لە گوندی محەمەد شیربەگ، لە سنووری خانەقین شەڕێكی گەرم لە نێوان حەشدی شەعبی و داعش روویداوە و زیانەكان نادیارن.

ھەواڵگری فەوجی خانقینی حەشدی شەعبیش بڵاوی كردووەتەوە، درەنگانی شەوی رابردوو ھەوڵێكی داعشیان پووچەڵكردووەتەوە، بۆ چوونە نێو خانەقین.

 H.J