به‌ وێنه‌ و ڤیدیۆ.. له‌ ئه‌نجامی وه‌رگه‌ڕانی پاسێك له‌ ده‌ربه‌ندیخان 21 كه‌س بوونه‌ قوربانی

K24 – گەرمیان:

بەهۆی وەرگەڕانی مینی پاسێک لە دەربەندیخان سێ هاووڵاتی گیانیان لەدەستدا و 19 دیکەش بریندارن. 

رێژان بورھان بەڕیوبەری پۆلیسی ھاتوچۆی دەربەندیخان بەکوردستان24 راگەیاند، پاسەکە  دوو خێزانی عەرەبی تێدابووە، لەسەر چیای بەرانان وەرگەڕاوە و تیمە فریاگوزارییەکان گەیشتوونەتە شوێنی رووداوەکە.

ئاماژەی بەوەشدا، دوو لە بریندارەکان، برینەکانیان سەختە و مەترسیان لەسەرە.

بەھۆی داخستنی تونیلی دەربەندیخانەوە، ئەو رێگایە بووەتە رێگای سەرەکی گەرمیان بۆ سلێمانی، بەڵام لەبەر خراپی رێگاکە، شۆفێران دووچاری ئاستەنگ دەبنەوە.

به‌ گوێره‌ی زانیاری په‌یامنێری كوردستان24 و له‌ وێنه‌كاندا به‌رچاو ده‌كه‌وێت، ژماره‌یه‌ك له‌ برینداره‌كان دوای گواستنه‌وه‌یان بۆ نه‌خۆشخانه‌ به‌ هۆی به‌رده‌ست نه‌بوونی قه‌ره‌وێڵه‌ی تایبه‌ت به‌ نه‌خۆش له‌سه‌ر زه‌وی دانراوون و خراونه‌ته‌ ژێر چاودێری پزیشكییه‌وه‌.

H.J

فۆتۆ و ڤیدیۆ: كاروان یاره‌