ئەو پەیمانگا و قوتابخانە ناحکوومییانەی نرخ زیاد دەکەن سزا دەدرێن

K24 – هه‌ولێر:

ئالان حەمە سەعید، وەزیری پەروەردەی حکوومەتی هەرێمی کوردستان بە کوردستان24ی راگەیاند، هەر قوتابخانە، باخچە و پەیمانگایەکی ناحکوومی یاری بە نرخەکان بکات، سزا دەدرێت.

ئەمڕۆ شەممە، 31/08/2019، وەزیری پەروەردە لەگەڵ نوێنەرانی قوتابخانە، باخچە و پەیمانگا نا حکوومییەکان کۆبووەوە و لە دوای کۆبوونەوەکە بە کوردستان24ی راگەیاند: "چەند فەرمانێکی وزاریمان بۆ رەخساندنی دەرفەتی کار و جێبەجێکردنی رێنماییەکانی تایبەت بە خوێندنی ناحکوومی دەرکردووە".

راشیگەیاند: "هەر قوتابخانە، باخچە و پەیمانگایەکی نا حکوومیی یاری بە نرخەکان بکات، لە رووی دارایی و ئیداریی سزا دەدرێت".

H.J