سەندیکای رۆژنامەنووسان ئیدانەی داخستنی نوسینگەی کوردستان24 لە رۆژئاوای کوردستان دەکات
کوردستان24 نوسینگەی خۆی لە رۆژئاوای کوردستان بەهۆی رێگرییەکان داخست
K24 – ههولێر:
بەهۆی داخستنی نووسینگەی کوردستان24 لە رۆژئاوای کوردستان لەلایەن بەڕێوەبەرایەتی خۆسەر، لیژنەی داکۆکی لە ئازادی رۆژنامەنووسی و مافی رۆژنامەنووسانی سەندیکای رۆژنامەنووسانی کوردستان، پەیامێکی بڵاوکردەوە.
بەگوێرەی راگەیەندراوێکی سەندیکای رۆژنامەنووسان، سەندیکاکە ئیدانەی ئەو هەوڵەی بەڕێوەبەرایەتی خۆسەر دەکات و " بە بەرتەسککردنەوەی ئازادی رۆژنامەوانی و پرەنسیپەکانی دیموکراتی" لە قەڵەمی دەدات.
سەندیکای رۆژنامەنووسان داوا دەکات، بە زووترین کات مافی کارکردن بۆ دامەزراوەی کوردستان24 بگەڕێندرێتەوە و ژینگەیەکی ئازاد بۆ کاری رۆژنامەوانی فەراهەم بکرێت.
H.J