ساموێل ئیتۆ وازهێنانی یەکجارەکی لە یاریکردن راگەیاند

ساموێل ئیتۆ لە تەمەنی 38 ساڵی بەیەکجاریی وازهێنانی لە یاریکردن راگەیاند.

ساموێل ئیتی هێرشبەری بەناوبانگی کامیرۆنی دوای 22 ساڵا یاریکردن وازهێنانی راگەیاند و لە تەمەنی 38 ساڵی بەیەکجاریی بڕیاری واز بهێنێت، کە لە ماوەی یاریکردنی لەگەڵ یانە جیاوازەکان زیاتر لە 350 گۆڵی تۆمارکرد.
ساموێل ئیتۆ کە لەگەڵ بارسێلۆنا دوو نازناوی چامپیۆنزلیگی بەدەستهێنا و نازناوێکی چامپیۆنزلیگیشی لەگەڵ ئینتەر میلان بەدەستهێنا، لەگەڵ هەڵبژاردەی کامیرۆنیش دوو نازناوی جامی نەتەوەکانی ئەفریکای بردەوە، لە هەژماری فەرمی خۆی لە ئینستاگرام وازهێنانی راگەیاندووە و ئاشکرایکردووە بەنیازی کارێکی نوێیە.

ساموێل ئیتۆ لە ساڵی 1997 دەستی بە یاریکردن کرد و لە 718 یاری 359 گۆڵی کرد و 116 گۆڵیشی دروستکرد و 22 نازناویشی بەدەستهێنا.