چێڵسی یهكهمین سهركهوتنی لهم وهرزه له نێو یاریگهی خۆی تۆمار كرد
چێڵسی بۆ یهكهمجار لهم وهرزه به راهێنهرایهتی لامپارد تۆڕهكهی بهخاوێنی هێشتهوه
له گهڕی حهوتهمی پرێمهرلیگ، یانهی چێڵسی لهندهنی له نێو یاریگهی خۆی ئاههنگی سهركهوتنی گێرا و به 2 گۆڵی بێوهڵام شكسی به یانهی برایتۆنی میوانی هێنا.
له گێمی یهكهم هیچ لایهك نهیانتوانی تۆڕی یهكتر بههژێنن، بهڵام له خولهكی 50ـی گێمی دووهم، جۆرجینیهۆی ناوهراستكاری ئیتاڵی بهربهستی یهكسانبوونی شكاند و به لێدانی پێناڵتی گۆڵی یهكهمی چێڵسی تۆمار كرد.
دواتر له خولهكی 76 ویلیان دا سیلڤای بهرازیلی گۆڵی دووهمی بۆ چێڵسی زیاد كرد و 3 خاڵی یارییهكهی بۆ كوڕانی فرانك لامپارد مسۆگهر كرد و چێڵسی به دوو گۆڵی بێوهڵام یارییهكهی بردهوه.
چێڵسی بۆ یهكهمینجار له ژێر سهرپهرشتی فرانك لامپارد توانی تۆڕی گۆڵهكهی بهخاوێنی بێڵێتهوه و لهسهرجهم یارییهكانی دیكهی تۆڕهكهی ههژا بوو، ههڵبهت یهكهمین سهركهوتنی چێڵسی بوو له نێو یاریگهی ستامفۆرد بریج له پرێمهرلیگ لهژێر سهرپهرشتی راهێنهره لاوهكهیان.