مەسرور بارزانی پرسەنامەیەک ئاراستەی بنەماڵەی ئەنوەر بەگی بێتواتە دەکات
سەرۆکی حکوومەتی هەرێمی کوردستان هاوخەمیی بۆ کۆچی دوایی سەردار ئەنوەر بەگی بێتواتە دەردەبڕێت
K24 – ههولێر:
مەسرور بارزانی، سەرۆکی حکوومەتی هەرێمی کوردستان، بۆ کۆچی دوایی سەردار ئەنوەر بەگی بێتواتە پرسەنامەیەکی بڵاوکردەوە.
لە پرسەنامەکەی سەرۆکی حکوومەت هاتووە: "بەداخێکی زۆرەوە هەواڵی کۆچی دوایی کاک سەردار ئەنوەر بەگی بێتواتە کەسایەتی ناسراوی دەڤەری خۆشناوەتیم بیست".
مەسرور بارزانی هاوخەمی خۆی دەربڕیوە و نووسیویەتی: "پرسە و سەرەخۆشی گەرمی خۆم لە کەسوکار و بنەماڵەکەی دەکەم و ئومێدەوارم خوای مەزن بە بەهەشتی شاد بکات و ئارامی و دڵنەواییش بە خانەوادە و خزم و دۆستانی ببەخشێت".
H.J