ئه‌نجوومه‌نی وه‌زیرانی هه‌رێم 4 بابه‌تی گرنگ تاوتوێ ده‌كات

K24- هه‌ولێر:

سەرچاوەیەك لە ئەنجوومەنی وەزیراني هەرێمی كوردستان رایگەیاند: سبەی چوارشەممە 16ی ئۆکتۆبەری 2019 بەسەرپەرشتی مەسرور بارزانی، سەرۆکی ئەنجوومەنی وەزیران، کۆبوونەوەی ئەنجوومەنی وەزیرانی هەرێمی کوردستان ئەنجام دەدرێت.

وه‌ك راشیگه‌یاند، تەوەرەکانی کۆبوونەوە بریتین لە:

- گفتوگۆکردن لە سەر بڕیاری دامەزراندنی 3 یەکەمەکانی گشت زانکۆ حکوومییەکان بۆ ساڵی خوێندنی 2015-2016.

- گفتوگۆکردن دەربارەی داڕشتنی سیاسەتێکی نوێ بۆ بە بازاڕکردنی ناوخۆیی گەنمی بەرهەمهێنراو لە هەرێمی کوردستان.

- ئامادەکارییەکانی دابەشکردنی نەوتی سپی بە سەر هاووڵاتییان پێش هاتنی  وەرزی زستان.

- خستنەرووی پێشنیازی پرۆژە یاسای ماددە هۆشبەرەکان.

- خستنەڕووی چەند بابەتێکی پەیوەندیدار بە وەزارەتی پیشەسازی و بازرگانی.

H.B