شەپۆلێكی بارانبارین ھەرێمی كوردستان دەگرێتەوە

K24 - ھەولێر

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو راگەیاند، بەگوێرەی پێشبینیەكان ئەمڕۆ ئاسمانی ھەرێمی كوردستان ھەوری تەواو دەبێت لە زۆربەی كاتەكاندا و نمە بارانی پچڕ پچڕ دەبێت لە ناوچە شاخاوییەكان، بەرزترین پلەی گەرما لە ھەولێر 23 و سلێمانی 20 و دھۆك 21 و لە كەركووك بەرزترین پلەی گەرما 25  پلەی سیلیزی دەبێت.

لەبارەی كەشوھەوای سبەی كەشناسی پێشبینی دەكات، رۆژی یەكشەممە ئاسمانی ھەرێمی كوردستان لە نێوان نیمچە ھەور و  ھەوری تەواودا دەبێت.