لە بێخاڵ دوو کەس یەکتریان کوشت

K24 – هه‌ولێر:

بەیانی ئەمڕۆ 02/11/2019  لەسەر کێشەیەکی  کۆمەڵایەتی  دوو هاووڵاتی لە بێخاڵ تەقە لە یەکتر دەکەن و هەردووکیان گیان لەدەست دەدەن.

شەماڵ دێواری وتەبێژی پۆلیسی سۆران راگەیاند، ئەو دوو هاووڵاتییە بە ناوەکانی ( ب ع ح ) لەدایکبوی 1982 دانیشتوی ئاکۆیانی سەر بە قەزای ڕواندز پیشە پێشمەرگە و ( ك م ح ) لەدایک بووی 1982 ئاکۆیان پيشه بەرگری فرياكەوتن لەسەر رێگای بێخاڵ نزيك تەلەفریک بەشەڕهاتوون و بە چەکی دەمانچە رووبەڕووی یەکتر بونەتەوە.

پۆلیسی سۆران ئاماژەی بەوەشدا، لەئەنجامدا  هەردووکیان  زامدار بوون و دوای  گەیشتنی  هێزەکانی  ئاسايش و  پۆلیس  دەست بەجێ  رەوانەی نەخۆشخانەكران، بەڵام بەداخەوە هەردووکیان  گيانيان لەدەست دا.

پۆلیس روونیشکردەوە، کێشەی ئەو دوو کەسە کۆمەڵایەتیی بووە و بۆ پێشتر دەگەڕێتەوە

H.J