رانيه‌.. 2 كرێكار له‌سه‌ر باڵه‌خانه‌یه‌ك كه‌وتنه‌ خواره‌وه‌ و گیانیان له‌ده‌ستدا

K24 - رانیه‌:

دوو كرێكار له‌ كاتی كاركردن له‌سه‌ر باڵه‌خانه‌یه‌كی سێ نهۆمی له‌ناو بازاڕی رانیه‌، كه‌وتنه‌ خواره‌وه‌ و گیانیان له‌ده‌ستدا.

په‌یامنێری كوردستان 24 له‌ رانیه‌ رایگه‌یاند، دوو كرێكاره‌كه‌ به‌ ئامێری به‌رزكه‌ره‌وه‌ بلۆكیان بۆ سه‌ر باڵه‌خانه‌كه‌ سه‌رخستووه‌ و ئامێره‌كه‌یان كه‌وتووه‌ته‌وه‌ خواره‌وه‌.

به‌هۆی رووداوه‌كه‌ش، هه‌ردوو كرێكاره‌كه‌ له‌سه‌ر باڵه‌خانه‌كه‌ كه‌وتوونه‌ته‌ خواره‌وه‌ و گیانیان له‌ده‌ستداوه‌.

وه‌ك له‌ وێنه‌كانیش ده‌رده‌كه‌وێت، ئامێری سه‌رخستنی بلۆكه‌كه‌ له‌سه‌ر باڵه‌خانه‌كه‌ كه‌وتووه‌ته‌ خواره‌وه‌.

ئ. م