تونێلی پێشڕەو لە سلێمانی دادەخرێت

K24 – هه‌ولێر:

بەڕێوەبەرایەتی هاتووچۆی سلێمانی بڵاویکردەوە بۆ ماوەیەکی کاتیی تونێلی پێشڕەو دادەخرێت.

بەگوێرەی راگەیەندراوێکی هاتووچۆی سلێمانی: "ئاگاداری شۆفێرانی بەڕێز دەکەین کە رۆژی یەکشەممە واتە بەرواری 10.11.2019 تونێلی پێشڕەو لەکاتژمێر (9) ی بەیانی بۆ (12) ی نیوەڕۆ دادەخرێت بەمەبەستی چاکسازی کردن لە تونێلەکەدا".

تونێلی پێشڕەو شاری سلێمانی و ناحیەی سیتەک پێکەوە دەبەستێتەوە و رێگایەکی سەرەکیی سلێمانی – شارباژێڕە.