ئۆپەراسیۆنی پێشمەرگە لە گەرمیان دەستیپێكرد

K24 - گەرمیان

ئەمڕۆ ھێزی پێشمەرگە لە كوڵەجۆ ئۆپەراسیۆنی بۆ سەر چەكدارانی داعش دەستپێكرد.

ھەرێم جاف پەیامنێری كوردستان24 لە ناوچەكە رایگەیاند: "ھێزەكانی لیوای 16 و 5ی سەر بە وەزارەتی پێشمەرگە لە دەوروبەری كوڵەجۆ ئۆپەراسیۆنێكیان بۆ ئەو ناوچانە دەستپێكرد كە گومان دەكرێت چەكدارانی داعش خۆیان لێ حەشار دابێت".

پەیامنێرمان، گوتیشی: "ھێزەكانی پێشمەرگە كێوماڵی ئەو ناوچانە دەكەن كە چەكدارانی داعش لێیەوە ھێرش دەكەنە سەر كوڵەجۆ و گوندەكانی سنوورەكە".

ئەم ئۆپەراسیۆنەی ھێزی پێشمەرگە دوای ئەوە دێت، كە لە ماوەی رابردوودا چەكدارانی داعش چەندین جار پەلاماری پێشمەرگە و ھێزە ئەمنییەكانیان داوە.