وادەی کردنەوەی دوا قۆناغی شەقامی 120 مەتری هەولێر ئاشکرا دەکرێت

K24 – هه‌ولێر:

کۆمپانیای جێبەجێکاری پرۆژەی رێگای بازنەی خێرای 120 مەتری هەولێر (هێمن گروپ) بڵاویکردەوە، رۆژی چوارشەممە 18/12/2019 دوا قۆناغی پڕۆژەکە تەواو دەبێت.

لە ئێستادا، شەقامی 120 مەتری لە شەقامی کەرکووک بۆ شەقامی مووسڵ نەکراوەتەوە و بڕیارە رۆژی چوارشەممە ئەو بەشەش بکرێتەوە.

درێژی شەقامی 120 مەتری، 38 کیلۆمەترە و بەبێ ترافیک و بەربەست، بە دەوری شاری هەولێردا بەشێوەیەکی بازنەیی دەسوڕێتەوە، ئەمەش بۆ کەمکردنەوەی جەنجاڵی ناوشار گرنگە و لە ئێستاشدا، پرۆژەی شەقامی 150 مەتری کاری تێدا دەکرێت و بەشێکی قیرتاو کراوە.

H.J