بۆ یەكەم جار لە ھەرێمی كوردستان دیداری گەشەپێدانی حەج و عومرە سازكرا

K24- هه‌ولێر:

بۆ یەكەم جار لە ھەرێمی كوردستان دیداری گەشەپێدانی حەج و عومرە لەلایەن وەزارەتی ئەوقاف و كاروباری ئایینییەوە سازكرا، ئەمەش لە چوارچێوەی كارنامەی چوار ساڵەی وەزارەتەكان لە كابینەی نۆیەمی حكوومەتی ھەرێمی كوردستان.

له‌ دیداره‌كه‌دا گرفتەكانی به‌رده‌م پرۆسەی حەج و عومرە خرانەڕوو، وەرگرتنی ئەو بڕە پارەیەش كە لە ھاوڵاتییان وەردەگیرێ، یەكێك بوو لەو گرفتانه‌ی گفتوگۆی له‌باره‌یه‌وه‌ كراو و داواكرا ئه‌و بڕه‌ پاره‌یه‌ كەم بكرێتەوە.

هه‌ر لە دیدارەكەدا داواشكرا حەجی بازرگانی نەمێنێت.

له‌ كۆتایی دیداره‌كه‌شدا پێشنیازەكان كرانە ڕاسپاردە و رادەستی وەزارەتی ئەوقاف و كارووباری ئایینی دەكرێت، بۆ ئەوەی لێژنەیەكی باڵا بۆ جێبەجێكردنی راسپاردەكان پێكبھێندرێت.

H.B