بەریتانیا داوای رێککەوتنی پێشمەرگە و سوپای عێراق دەکات

K24 – هه‌ولێر:

کونسوڵی گشتی بەریتانیا داوای رێککەوتنی نێوان هێزەکانی پێشمەرگە و سوپای عێراق بۆ پڕکردنەوەی بۆشایی ئەمنی لە ناوچە کوردستانییەکان دەکات.

جەیمس سۆرنتۆن، کۆنسوڵی گشتی بەریتانیا لە هەولێر رایگەیاند، دڵخۆشین بەم ئاستە ئۆتۆنۆمییەی هەرێمی کوردستان، بەریتانیا پاڵپشتی لە گفتوگۆکانی نێوان هەرێم و حکوومەتی عێراق بۆ چارەسەرکردنی تەواوی کێشەکانیان دەکات.

راشیگەیاند: "دەبێ کێشەکانی پەیوەندیدار بە نەوت و داهاتەکەی و هەروەها پرسی بودجەش یەکلابکرێنەوە. دەبێ رێککەوتنی ئەمنی هەبێت بۆ ئەوەی هەماهەنگی نێوان پێشمەرگە و هێزە عێراقییەکان زیاد ببێت بۆ لەناوبردنی داعش لەو ناوچانەی بۆشایی ئەمنی هەیە. دەبێ کێشە هەڵپەسێردراوەکانی پەیوەندیدار بە دەستووریشەوە چارەسەر بکرێن".

H.J