كه‌لانه‌ی هه‌ورامان ده‌بێته‌ سه‌رچاوه‌ی داهاتی ئافره‌تانی گوندێك

K24 – هه‌ورامان:

گوندی "ده‌ره‌كێ" له‌ هه‌ورامانی ته‌خت، له‌ دوو به‌شی سه‌ره‌كی پێكهاتووه‌ و به‌ ده‌ره‌كێ تازه‌ و كۆن ناوده‌برێت.

سه‌ره‌ڕای پیشه‌ ده‌ستییه‌كان و ئاژه‌ڵداری و باخداری، ژماره‌یه‌ك له‌ ئافره‌تانی ئاواییه‌كه‌ بۆ په‌یداكردنی بژێوی ژیانیان كه‌لانه‌ی هه‌ورامان بۆ گه‌شتیاران درووست ده‌كه‌ن.

كه‌لانه‌، خواردنێكی دێرینی هه‌ورامانه‌. له‌ كۆندا زۆرتر گیای "پیچك"، كه‌ گیایه‌كی به‌هاری بۆنداره‌ له‌ درووستكردنیدا به‌كارهێنراوه‌ و دواتر له‌ بری پیچك ته‌ڕه‌پیاز به‌كارده‌هێنرێت. به‌ رۆنی ئاژه‌ڵی (خۆماڵی) چه‌ور ده‌كرێت و له‌گه‌ڵ دۆ یان ماستاودا ده‌خورێت.

فۆتۆ: رێبوار مەحموودپوور