پەرلەمانی کوردستان لەبارەی شایستە داراییەکانی جووتیاران کۆدەبێتەوە

K24 – هه‌ولێر:

بڕیارە رۆژی پێنجشەممە 30/01/2020، پەرلەمانی کوردستان دواین دانیشتنی خولی پایزە ئەنجام بدات و چەند تەوەرێک تاوتوێ بکات.

بەگوێرەی راگەیەندراوێکی پەرلەمانی کوردستان، بەرنامەی کاری کۆبوونەوەکە بەمجۆرەی خوارەوە دەبێت:

یه‌كه‌م: خستنه‌ڕوو و گفتوگۆكردنی شایسته‌ داراییه‌كانی جووتیارانی هه‌رێمی كوردستان.

دووه‌م: قبوڵكردنی ده‌ستله‌كاركێشانه‌وه‌ی به‌ڕێز (ئاشنا عه‌بدوڵا قادر) له‌ لیژنه‌ی داكۆكیكردن له‌مافی ئافره‌ت به‌پێی حوكمی مادده‌ی (28) له‌په‌یڕه‌وی ناوخۆی په‌رله‌مانى كوردستان-عێراق.

سێیه‌م: راگه‌یاندنی كۆتاییهاتنی خولی پایزه‌ی ساڵی یه‌كه‌م له‌ خولــی پێنجه‌می هه‌ڵبژاردنی په‌رله‌مان له‌لایه‌ن سه‌رۆكى په‌رله‌مانه‌وه‌ به‌پێى برگه‌ى (سێیه‌م) له‌مادده‌ى (18)ى په‌یڕه‌وى ناوخۆى په‌رله‌مانى كوردستان-عێراق.

H.J