میخائیل بۆگدانۆڤ ناوەڕۆکی سەردانەکەی بۆ هەولێر ئاشکرا دەکات

K24 – هه‌ولێر:

میخائیل بۆگدانۆڤ جێگری وەزیری دەرەوە و نوێنەری سەرۆکی رووسیا بۆ کاروباری رۆژهەڵاتی ناوەڕاست و باکووری ئەفریکا لە کۆنفراسێکی رۆژنامەوانیدا، ناوەڕۆکی سەردانەکەی بۆ هەولێر خستەڕوو.

بۆگدانۆڤ رایگەیاند، کۆبوونەوەکان لە هەولێر زۆر گرنگ بوون و باسمان لە دۆخی ناوچەکە و عێراق کرد.

راشیگەیاند: لەگەڵ سەرکردایەتی کورد زۆر بابەتی گرنگمان باس کرد.

روونیشکردەوە، ئایندەی پەیوەندییەکانی هەرێمی کوردستان و رووسیا، پرشنگدارە.

جێگری وەزیری دەرەوەی رووسیا گووتیشی: "کۆمپانیا زەبەلاحەکانی رووسیا لە بواری وزە لێرە کار دەکەن، لەو رووەوە باسمان لە پەیوەندییەکانمان لە رووی ئابووری و وزە کرد".

دوێنێ چوارشەممە، میخائیل بۆگدانۆڤ گەیشتە هەولێر و لەگەڵ سەرۆک مەسعود بارزانی، نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکی حکوومەتی هەرێمی کوردستان کۆبووەوە.

H.J