سەرۆك بارزانی پێشوازی لە باڵیۆزی ئەمەریكا لە عێراق دەكات

K24 – هه‌ولێر:

رۆژی چوارشەممە 5ـی 2ـی 2020 لە سەلاحەددین سەرۆك مەسعود بارزانی پێشوازی لە ماسیۆ توولێر باڵیۆزی ئەمەریكا لە عێراق و شاندێكی یاوەری كرد.

لە دیدارەكەدا بارودۆخی سیاسی و دواپێشهاتەكانی ناوچەكە تاوتوێ كرا. هەروەها رۆشنایی خرایە سەر پڕۆسەی سیاسیی عێراق و راسپاردنی سەرۆكوەزیرانی نوێی عێراق و، جەخت لەسەر چارەسەركردنی كێشەكان و بەدەنگەوەهاتنی داواكاریی خۆپێشاندەران و سەقامگیریی عێراق كرایەوە. 

لە بەشێكی تری ئەو كۆبوونەوەیەدا بیروڕا لەبارەی ئاییندەی گەلی كورد لە سووریا ئاڵوگۆڕ كرا و باڵیۆزی ئەمەریكا لە عێراق ڕۆڵی سەرۆك بارزانی لە نزیككردنەوەی لایەنە كوردییەكانی سووریا بەرز نرخاند. 

هەر لەو دانیشتنەدا جەخت لە پەرەپێدانی پەیوەندییەكانی هەرێمی كوردستان و ئەمەریكا و هەماهەنگیی بەردەوامی نێوانیان كرایەوە.