چەند شۆفێرێکی تانکەری غاز: تەقەمان لێ دەکەن و ژیانمان پارێزراو نییە

K24 – هه‌ولێر:

شۆفێری چەند تانکەرێکی غاز لە نزیک کێڵگەی "دانە غاز" قسە بۆ کوردستان24 دەکەن و دەڵێن، تەقەمان لێ دەکەن و هۆکارەکەشی گۆڕینی کۆمپانیاکەیە.

شۆفێرێک دەڵێت، هەموو شەوێک تەقەمان لێ دەکەن، هێزیشمان لەگەڵە بەڵام دەڵێن فەرمانی تەقەکردنمان پێ نییە.

دەشڵێت، ئەمە سیناریۆیە و دەیانەوێت کۆمپانیا کۆنەکە بگەڕێتەوە.

یەکێکی دیکەش لە شۆفێران رایگەیاند، لەم کۆمپانیا نوێیە قۆرخکاری نییە و ئێمە قازانجی زیاتر دەکەین.

راشیگەیاند، ئەمنیەتمان پارێزراو نییە و لە زۆر شوێن تەقەمان لێ دەکەن و هەندێک لە بارهەڵگرەکان بەهۆی تەقەکردن بلاک لیست کراون.

H.J