تووشبوانی کۆرۆنا بەزۆر لە ماڵەکانیان دەردەهێنرێن

K24 – هه‌ولێر:

بەرپرسانی تەندروستی شاری وهانی چین، ئەو هاووڵاتیانەی گومانی تووشبوونی ڤایرۆسی کۆرۆنایان لێ دەکرێت، لە ماڵەکانیان دەیانهێننەوە دەرەوە و بەزۆر دەیان بەن بۆ کەمپە تەندروستییەکان.

حکوومەتی چین بڕیاریداوە هەموو ئەو کەسانەی خزمی تووشبووەکانن یان گومانی تووشبونیان لێ دەکرێت دەستگیر بکرێن، بەڵام بەشێک لەو کەسانە نایانەوێت بخرێنە ژێر چاودێریی وردەوە و لە دەست هێزە ئەمنییەکان هەڵدێن.

تاوەکو ئێستا بەهۆی ڤایرۆسی کۆرۆنا، 725 کەس گیانیان لەدەستداوە و 34 هەزار و 963 کەسیش بوونەتە تووشبوی ڤایرۆسەکە. دوو هەزار و 397 کەسی دیکەش، چاکبوونەتەوە و نەخۆشخانەیان جێهێشتووە.

The Daily Mail