بەفر ئاڵوگۆڕی بازرگانی لە حاجی ئۆمەران پەكخست

K24 - چۆمان

بەھۆی شەپۆلی بەفربارین و سەرما، ئاڵوگۆڕی بازرگانی لە دەروازەی سنووری حاجی ئۆمەران وەستا و گەشتیارانیش بەشێك لە رێگاكە بە پیادەڕۆ دەبڕن.

تەیفور محەمەد، پەیامنێری كوردستان24 لە ناوچەكە رایگەیاند: "بەھۆی بارینی بەفری زۆر و دابەزینی پلەكانی گەرما، ئاڵوگۆڕی بازرگانی لە دەروازەی سنووری حاجی ئۆمەران وەستاوە".

لەبارەی ھاتووچۆی گەشتیارانەوە، پەیامنێرمان گوتی: "گەشتیاران ناتوانن بە ئۆتۆمبێل بگەنە ناو سنووری ھەرێمی كوردستان، بەڵكو لە پشتی شارۆچكەی پیرانشارەوە بە پیادەڕۆ دێن تا دەگەنە حاجی ئۆمەران".

ھ.م