توركیا: 51 سه‌ربازی سوپای سووریامان كوشت

K24- هه‌ولێر:

وه‌زاره‌تی به‌رگری توركیا رایگه‌یاند، له‌ بۆردومانه‌كانیان بۆ سه‌ر پێگه‌كانی سوپای سووریا له‌ ئیدلب، 51 سه‌ربازی سوپای سووریایان كوشتووه‌ و دوو تانكی سه‌ربازیشیان تێكشكاندووه‌ و ده‌ستیان به‌سه‌ر یه‌كێكی دیكه‌شدا گرتووه‌.

له‌ به‌یاننامه‌یه‌كدا وه‌زاره‌تی به‌رگری توركیا رایگه‌یاند، "به‌گوێره‌ی ئه‌و زانیاریانه‌ی ده‌ستمان كه‌وتوون، له‌ هێرشه‌كانمان بۆ سه‌ر پێگه‌كانی سوپای سووریا له‌ سنووری پارێزگای ئیدلب، 51 سه‌ربازی سووری كوژراون".

روونیشیكرده‌وه‌، "وێڕای كوژرانی ئه‌و ژماره‌یه‌ی سه‌ربازانی سووریا، هه‌روه‌ها دوو تانكی سه‌ربازیشمان تێكشكاندووه‌ و ده‌ستمان به‌سه‌ر یه‌كێكی دیكه‌شدا گرتووه‌".

H.B