وەزارەتی كارەبا بڕیارێك لە بەرژەوەندی ھاووڵاتییان دەدات

K24 - ھەولێر

وەزارەتی كارەبای ھەرێمی كوردستان رایدەگەیەنێت، لەمەودوا دەسەڵات دەدات بە بەڕێوەبەرەكان 8% داھات لە رێگەی خۆیانەوە بۆ ئەنجامدانی پڕۆژەكان خەرج بكەن.

وەزارەتی كارەبا ئاشكرای كرد: "لەبەر بەرژەوەندی گشتی و باشتر رێكخستنەوەی كارەكان ئەندازیار كەمال محەمەد ساڵح، وەزیری كارەبا دەسەڵاتی تەمویلكردنی رێژەی لە 8%ی لە داهاتی كارەبا بۆ ژمێریاری رەوان (حساب الجاري) داوە، بۆ ئەنجامدانی پڕۆژەكان لە سەرجەم بەڕێوەبەرە گشتیەكان و لەرێگای خۆیان ئەم دەسەڵاتە بدەنە بەڕێوەبەرایەتی قەزاكان، بەمەش لەمەودوا بەڕێوەبەرایەتییە گشتیەكانی وەزارەت و بەڕێوەبەرانی قەزاكان دەتوانن بەشێوەیەكی كاراترو بێ رۆتین و دواخستن ئەو پڕۆژانە جێبەجێ بكەن كە هاووڵاتییان پێویستیانە و لە جێبەجێكردنیدا  پێویستی بە مۆركێكی  خێرایی  هەیە".