لێدوانێك لە گوتەبێژی حکومەتی هەرێمی کوردستانەوە

K24 – هه‌ولێر:

جوتیار عادل، گوته‌بێژی حكومه‌تی هه‌رێمی كوردستان له‌ باره‌ی گرتنه‌به‌ری رێوشوێنه‌كانی پێشگرتن له‌ بڵاوبوونه‌وه‌ی ڤایرۆسی كۆرۆنا و ده‌وامی فه‌رمانگه‌كانی حكومه‌ت راگه‌یه‌ندراوێكی بڵاوكرده‌وه‌.

ده‌قی راگه‌یه‌ندراوه‌كه‌

بەمەبەستی پاراستنی تەندروستیی هاوڵاتییانی هەرێمی كوردستان و بەرەنگاربوونەوەی ڤایروسی كۆرۆنا و گرتنە بەری رێوشوێنەکانی پێشیگرتن لە بڵاوبوونەوەی ئەم ڤایرۆسە، دەوامی فەرمی لە فەرمانگەكانی حكومەت، بێجگە لە فەرمانگە تەندروستییەكان، هێزەکانی ئاسایش و پێشمەرگە تا رۆژی 10/3/2020  لە كاتژمێر 8:00 بەیانی تا 1:00 دوای نیوەڕۆ کەم دەکرێتەوە.

کار بە سیستەمی پەنجەمۆری دەست رادەگیرێت و هاتوچۆی فەرمانبەران لە تۆمارێكی تایبەتدا تۆمار دەكرێت.

كاری ئیشكگری فەرمانگە خزمەتگوزارییەكانی شارستانی وەك (ئاو، كارەبا و شارەوانی) بەردەوام دەبێت.

تەواوی وەزارەت و فەرمانگەكانی نەبەستراو بە وەزارەت بۆ دیاریکردنی کاتی دەوامی فەرمیی جگە لەو ستافەی كە بۆ راپەراندنی كاروباری رۆژانەیان پێویستە، سەرپشك دەكرێن.

داوا لە گشت هاووڵاتییانی هەرێمی كوردستان دەكەین تەنها لە حاڵەتی زۆر پێویستدا سەردانی فەرمانگەكانی حكومەت بکەن.

د. جوتیار عادل

گوتەبێژی حکومەتی هەرێمی کوردستان

1/3/2020