مووچەی فەرمانبەران گەیشتە هەرێمی کوردستان

K24 – هه‌ولێر:

عەلی حەمە ساڵح، سەرۆکی فراکسیۆنی گۆڕان لە پەرلەمانی کوردستان، بڵاویکردەوە، پارەی مووچەی ھەرێمی کوردستان لە بەغداوە گەیشت و ئەو وەزارەتانەی ماون لە زووترین کاتدا مووچە وەردەگرن.

عەلی حەمە ساڵح لە پۆستێکی فەیسبووکدا نووسیویەتی، پاش کۆبونەوەمان لەگەڵ وەزیری دارایی داوامانکرد، ئامادەکاریی بۆ دابەشکردنی مووچەی مانگێکی تر بکرێت و رایانگەیاند، ئامادەکاریان دەستپێکردووە بۆ دابەشکردنی مووچە.

ئەو پەرلەمانتارە لەبارەی داهاتی هەرێمی کوردستان و دابینکردنی مووچەی فەرمانبەران نووسیویەتی: "پارەکەی بەغدا بەشی مووچەی 50%‏ مووچەخۆرانی ھەرێم دەکات کە کۆی مووچەی فەرمانبەرانی هەرێمی کوردستان دەگاتە 880 ملیار دینار".