ژیان

لە ئەمەریکا فرۆشیارە گەڕۆکەکانی ماددە هۆشبەرەکان ئێستا کلێنکس دەفرۆشن

ئەمەریکییەکان ترساون

جیهان

K24- هەولێر:

لە هەندێک لە مارکێتەکانی ئەمەریکا و ئوستراڵیا و ئەوروپا، جیا لە نەمانی دەستپاکژکەرەوە و دەرمانەکانی خۆپارێزیی، شەڕی کڕینی کلێنکس دەستیپێکردووە.

هاووڵاتیان دەترسن لەوەی بەهۆی کۆرۆنا بازاڕەکان دابخرێن و نەتوانن چیدی کلێنکس بکڕن، پسپۆڕانیش ئەم دیاردەیە بە حاڵەتێکی دەروونی دەزانن نەک قەیران چونکە کلێنکس شتێک نییە بکەوێتە مەترسییەوە لە ئەگەری زیاتر بڵاوبوونەوەی ڤایرۆسەکە

لە هەندێک شوێن، پۆلیس دانراوە و کڕیار بۆی هەیە تەنها یەک پاکەت بکڕێت، تاوەکو رێگری لە دروستکردنی قەیرانێکی بکەن کە خەڵک خۆی خەریکە دروستی دەکات.

لەم دیمەنەی خوارەوە دەیبینین، خانمێک بە دزیەوە کلێنکس دەفرۆشێت و بە نرخێکی گرانتر، ئەمەش بووەتە هۆی گاڵتەجاریی ئەمەریکییەکان و لە تۆڕە کۆمەڵایەتییەکان بڵاوکراوەتەوە، ئەگەرچی روون نیە کە ئەم گرتە ڤیدیۆییە تەواو راست بێت، بەڵام بەگوێرەی هەواڵێکی ئی بی سی نیوز، دەستگێڕ و فرۆشیاری کوچەکان، بە دزیەوە کلێنکس دەفرۆشن. 

هەرێم جەعفەر ,