هاوسەرەکه‌ی هانکس کەناڵێکی تەلەڤزیۆنی دەخاتە مەترسییەوە

K24- هەولێر:

پێشکەشکارانی کەناڵی ناین چانێڵ، دەیڤد کامبێڵ و بێلیندا رۆسێڵ، بەهۆی ئەوەی چاوپێکەوتنیان لەگەڵ ریتا ویڵسن، ئەکتەر و هاوسەری ئەکتەری ناودار تۆم هانکس کرد، پشکنینی ڤایرۆسی  کۆرۆنایان بۆ دەکرێت.

دوای ئه‌وه‌ی له‌ چه‌ند رۆژی رابردوودا، تۆم هانکس و خێزانەکەی گه‌شتێكی ئوسترالیا-یان كردووه‌ بۆ وێنه‌گرتنی گرته‌كانی فیلمێك ده‌رباره‌ی ژیانی ئه‌لڤیس بریسلی، كه‌ رۆڵی كۆلۆنێل تۆم پاركه‌ر به‌ڕێوه‌به‌ری رۆك، دەبینێت، هانکس و ریتا ویڵسنی هاوسەری تووشی ڤایرۆسی کۆرۆنا بوون.

هەموو ئەو کەسانەی بەشداربوون لە چاوپێکەوتنەکە لەگەڵ ئەو دوو ئەکتەرە ئەمەریکییە، خراونەتە ژێر چاودێریی و پشکنیان بۆ ئەنجام دەدرێت.

کامبێڵ لەبارەی چاوپێکەوتنەکە دەڵێت، ئەو رۆژی دووشەممە هات بۆ ستۆدیۆ، زۆر دڵخۆش و ئاسوودە دیاربوو، هیچ نیشانەیەکی نەبوو.

دەشڵێت، ویڵسن خۆشی دەپاراست، رەتی کردەوە تەوقە بکەین، بەڵکو بە ئەنیشک سڵاومان لەیەک کرد.

لە ئوستراڵیا 149 کەس  تووشبووی ڤایرۆسی کۆرۆنان و ژمارەکەش لە زیادبووندایە.

ھانكس ساڵی 1995 خەڵاتی ئۆسکاری بردۆتەوە لە پای باشترین ئەکتەر لە فیلمی کۆمیدی فۆرست گامپ و یەکێکە لە دیارترین ناوەکانی سینەمای جیهانیی.

The Guardian