چۆن ئاستی خێرایی ئینتەرنێت بەرزبکەینەوه
بەهۆی کۆرۆنا نزیکەی نیوەی دانیشتوانی جیهان له ماڵەوەن
K24 - هەولێر
ئێستا 3 ملیار کەس بەهۆی کۆرۆنا به ناچاری له ماڵەوه دەمێننەوه و ئەمەش بووەته هۆی ئەوەی خەڵک زیاتر ئینتەرنێت بەکاربێنێت.
کۆمپانیایەکی خزمەتگوزاریی ئینتەرنێت له بهریتانیا دەڵێت: رێژەی بەکارهێنانی ئینتەرنێت لەم وڵاته سەدا 20 بەرزبووهتەوه و هەر بەم هۆکارەش دامەزراوەکانی چاودێریی ئینتەرنێت له بهریتانیا چەند رێنماییەکیان دەرکردووه بۆ ئەوەی خێرایی ئینتەرنێت بەرزبێتەوه و رێنماییەکان بۆ وڵاتانی دیکەش سوودی دەبێت.
* شەپۆلەکانی مایکرۆوەیڤ لەگەڵ شەپۆلەکانی وایفای بەریەک کەوتنی دەبێت، بۆیه کوژاندنەوی مایکرۆوەیڤ دەبێته هۆی خێراتر بوونی ئینتەرنێت.
* تا دەکرێت ئامێری راوتەر لەو ئامێرانەی شەپۆلی ئەلکترۆنی بەرهەمدێنن دوور بکرێتەوه و باشتره راوتەرەکه لەسەر زەوی نەبێت و لەسەر رەفەیەک دابنرێت.
* راوتەرەکەتان به بەردەوامی کاربکات.
* له کاتی پەیوەندیی ڤیدیۆیی، ئەگەر پێویست نەکات ڤیدیۆیەکه رابگره.
* باشتره پەیوەندیی ئینتەرنێتی له کاتی دیاریکراو نەبێت، بۆ نموونه له سەری کاتژمێرەکان یان نیوکاتژمێرەکان.
* ئەگەر دەکرێت لەجیاتی وایفای، به کێبڵ ئینتەرنێت بەکاربێنه.
* هەڵبدرێت وایەری جووڵاو بۆ تەلهفۆن بەکارنەیەت، چونکه شەپۆلی وایەرەکه خێرایی ئینتەرنێت کەمدەکاتەوه.
* ئەو ئامێرانەی شەپۆلەکانیان لەگەڵ شەپۆلی وایفای بەریەککەوتنی هەیه بریتین له: تەلەفۆنه بێوایەرەکان، تەلەڤزیۆن، شاشەی چاودێریی ژووری منداڵ، گڵۆپی هالۆجینی، ئەو سویچانەی رووناکیی گڵۆپ کەم و زیاد دەکەن، بلێندگۆ و شاشەکانی کۆمپیوتەر.
* تا دەکرێت بۆ پەیوەندی تەلەفۆنی ئاسایی بەکاربێت.
* ئەگەر پێویست نەکات پەیوەندییەکان تەنیا به دەنگ بێت نەک ڤیدیۆ.
* ڤیدیۆ داونلۆد بکرێت و سەیر بکرێت نەک به راستەوخۆ.
سەرچاوه: BBC
K.S