پەرلەمانتارانی پارتی مووچەكانیان دەبەخشن

K24- هەولێر:

پەرلەمانتارانی فراكسیۆنی پارتی لە پەرلەمانی كوردستان لە راگەیەندراوێكدا رایانگەیاند، بڕیارێكی پێكەوەییان داوە، كە مووچەكانیان بۆ هاوكاری خەڵك تەرخان بكەن.

دەقی راگەیەندراوەكەی فراكسیۆنی پارتی لە پەرلەمانی كوردستان:  

‎لە دەستپێکی هاتنی پەتای کۆرۆنا داوامان لە سەرجەم هەڤاڵانمان کرد، کە لەناوچەکانی خۆیان هاوکاری خەڵك بن، بەبێ جیاوازی چیان پێکرا بیکەن و لەگەڵ دەزگای خێرخوازی بارزانیش خۆبەخشانە هاوکاربن.

‎سبەی لەگەڵ هاتنی مووچەی پەرلەمان لە بڕیارێکی دەستەجەمعیدا فراکسیۆنی پارتی هەر 45 هەڤاڵ بڕیارماندا مووچەمان بدەینە دەزگای خێرخوازی بارزانی، بۆ ئەوەی هاوکاری هەژارانی پێبکەن.

‎هەموومان پێکەوە دەست لە دەست پەنا بەخوا ئەم قەیرانە تێدەپەڕێنین، سوپاس بۆ حکومەت و هەموو ئەو لایەنانەی لە ئەرکدان دژی نەخۆشی کۆرۆنا و شەو و ڕۆژیان خستووەتە سەر یەك و پێکەوە ئەم دۆخە تێدەپەڕێنین.

‎فراکسیۆنی پارتی لەپەرلەمانی کوردستان

۸/٤/۲٠۲٠

H.B