سەرۆك بارزانی لە پەیوەندییەكی تەلەفۆنیدا پشتگیریی خۆی بۆ مستەفا كازمی راگەیاند
هیوای چارەسەرکردنی کێشە و قەیرانەکانی عێراق دەخوازێت
K24 – ههولێر:
سەرۆك مەسعود بارزانی لەڕێی تەلەفۆنەوە پەیوەندی بە مستەفا كازمی سەرۆكوەزیرانی راسپێردراوی حكومەتی عێراق كرد.
لەو پەیوەندییە تەلەفۆنییەدا، سەرۆك بارزانی پشتگیریی خۆی بۆ راسپاردنی مستەفا كازمی بۆ سەرۆكایەتیی حكوومەتی عێراق راگەیاند و هیوای سەركەوتنی بۆ خواست.
سەرۆك بارزانی هیوای خواست كە ئەو هەنگاوە ببێتە هۆی لەیەكنزیكبوونەوەی هەموو پێكهاتەكانی عێراق و دەروازەیەكیش بێت بۆ چارەسەربوونی كێشە و قەیرانەكانی عێراق.