راگه‌یه‌ندراوی ئه‌مڕۆی وه‌زاره‌تی ته‌ندروستی
نوێترین ئاماری تووشبوون و كه‌ره‌نتینه‌كردن
K24 – هه‌ولێر:
وه‌زاره‌تی ته‌ندروستی حكومه‌تی هه‌رێمی كوردستان، ئه‌مڕۆ پێنجشه‌ممه (16ی نیسان/ ئه‌پریڵی 2020) راگه‌یه‌ندراوی ژماره (52)ی تایبه‌ت به په‌تای كۆرۆنای له هه‌رێمی كوردستان بڵاوكرده‌وه.
ده‌قی راگه‌یه‌ندراوه‌كه
راگەیاندراوی وەزارەتی تەندروستی
ژمارە (52)
سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، ڕێکارەکان بەردەوامن بەم شێوەیە:
1- كەرەنتین
ژمارەی هاووڵاتیان لە کەڕەنتینەکان (7695) هاووڵاتی بوون لە (30) شوێنی جیاواز، لەئێستادا تەنها (1319) هاووڵاتی لە کەرەنتین ماونەتەوە (507) لە هەولێر، (65) لە سلێمانی، (729) لە دهۆك، (18) لە ڕاپەرین، وە (6376) هاووڵاتی لە کەرەنتین دەرچوونە و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەڕەنتین کردنی ژمارەیەکی تری کەرەنتین کراو لە 24 کاتژمێری ڕابردوو کە کۆی گشتی بریتی بوو (229) هاووڵاتی.
2- پشکنین
لەماوەی 24 کاتژمێری ڕابردوو (1302) پشکنین ئەنجام دراوە، (647) هەولێر، (295) سلێمانی، (308) دهۆك، (50) هەڵەبجە.
دەرەنجام سێ تووشبووی نوێ لە هەرێمی کۆردستان تۆمارکرا.
* پارێزگای سلێمانی (1) پۆزەتیڤ، پیاوێك تەمەن (28) ساڵ کە دانیشتووی قەزای دەربەندیخان، بەرکەوتووی تووشبوانی پێشوووە.
* پارێزگای هەڵەبجە (2) پۆزەتیڤ، (2) کچ تەمەنیان (18)، (14) ساڵ کە دانیشتووی شاری هەڵەبجەن، بەرکەوتەی تووشبووی پێشوون کە دایکیانە.
3- ئاماری گشتی
کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان گەشتە (335) تووشبوو، لەنێویاندا (4) مردن هەیە و (227) نەخۆش چاکبووەتەوە، و ئەوانی تر هەموویان لەژێر چاودێری پزیشکی دان.
وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە کاردان جارێکی تر تکا دەکەین هاووڵاتیان بە هیچ شێوەیەك نەیەنە دەرەوە لە ماڵەکانیان وە پابەندبن بە ڕێنماییەکانی تەندروستی، وە لەکاتی پێویستدا پەیوەندی بکەن بە هێڵی گەرمی ژمارە (122).
وەزارەتی تەندروستی
حکومەتی هەرێمی کوردستان
16ی نیسانی2020