له‌ هه‌ولێر تووشبوویه‌كی دیكه‌ی كۆرۆنا چاكبوه‌وه‌

ئاماری چاكبوونه‌وه‌ هه‌ڵكشا

K24 – هه‌ولێر:

له‌ راگه‌یه‌ندراوێكدا، كه‌ وێنه‌یه‌كی بۆ كوردستان24 نێردراوه‌، به‌ڕێوبه‌رایه‌تی ته‌ندروستی هه‌ولێر، هه‌واڵی چاكبوونه‌وه‌ی تووشبوویه‌كی دیكه‌ی كۆرۆنای راگه‌یاند.

به‌ گوێره‌ی راگه‌یه‌ندراوه‌كه‌، دوای وەرگرتنی چارەسەری پزیشکی ئه‌و كه‌سه‌ به‌ ته‌واوی چاكبووه‌ته‌وه‌ و پشكنینی بۆ كراوه‌و ئه‌نجامه‌كه‌ی نێگه‌تیڤ بووه‌ و ره‌وانه‌ی ماڵه‌وه‌ كراوه‌ته‌وه‌.

روونیشیكردووه‌ته‌وه‌، سه‌رجه‌م ئه‌و كه‌سانه‌ی تا ئه‌مڕۆ له‌ هه‌ولێر چاكبوونه‌ته‌وه‌ ژماره‌یان گه‌یشتووه‌ته‌ 29 كه‌س.