نەتەوە یەکگرتووەکان پەیامێک لەبارەی سووتانی دەخڵ و دانی هاووڵاتیان بڵاودەکاتەوە

K24 – هه‌ولێر:

بەشی هەماهەنگی کاروباری مرۆیی نەتەوە یەکگرتووەکان لە عێراق تویتێکی لەبارەی سووتانی دەخڵ و دانی جووتیاران لە چەند ناوچەیەکی عێراق بڵاوکردەوە.

لە تویتەکە هاتووە، بەشی هەماهەنگی کاروباری مرۆیی نەتەوە یەکگرتووەکان لە عێراق لە نزیکەوە چاودێریی راپۆرتەکان لەبارەی زیادبوونی رێژەی ئاگربەردان لە دانەوێڵە لە مانگی رابردووەوە دەکات.

ئاماژەی بەوەکردووە، رووداوەکان زیاتر لە نەینەوا، دیالە و سەڵاحەدینن و تاوەکو ئێستا بە فەرمی هیچ کەسێک تۆمەتبار نەکراوە، بەڵام راپۆرتە میدیاییەکان تۆمەتەکان ئاراستەی داعش دەکەن.

ماوەیەکە سووتانی بەرهەمی جووتیارانی عێراق، بەتایبەتی جووتیارانی کورد لە ناوچە کوردستانییەکانی دەرەوەی ئیدارەی هەرێم زیادی کردووە و جووتیاران زیانی زۆریان بەرکەوتووە. لە چەند رۆژی رابردووش، لە خانەقین، مەخموور و چەند ناوچەیەکی کەرکووک، رووداوەکان زیادی کردووە.

OCHA is closely tracking the reports of #cropfires that have been gaining in frequency over the last month, especially in Ninewa, Diyala and Salah al-Din.

Many of the attacks have not been formally attributed, but news reports often credit them to ISIL.

[?: Qarachux Mountains] pic.twitter.com/bE39ibNndj

— OCHA Iraq (@OCHAIraq) May 17, 2020