بەکارهێنەرێکی ماددەی هۆشبەر لە هەولێر دەستگیر کرا

K24 – هه‌ولێر:

بەڕێوەبەرایەتی پۆلیسی پارێزگای هەولێر بڵاویکردەوە، كەسێك بە ناوی (س.ف.س) (تەمەن 21 ساڵ) بە تۆمەتی بەكارهێنانی ماددەی هۆشبەر دەستگیر کراوە.

راشیگەیاند، کەسەکە بڕێك ماددەی هۆشبەری لە جۆری (كریستاڵ) لەلابووە و دانیشی بە تاوانەکەی ناوە.

لە ماوەکانی رابردووش، پۆلیسی هەولێر بازرگانێکی ماددەی هۆشبەری دەستگیر کردبوو.

کریستاڵ مێس، یەکێکە لە مەترسیدارترین ماددە هۆشبەرەکان و لە ماوەیەکی درێژدا، کار دەکاتە سەر جووڵەی کەسەکە و شێوازی قسەکردن و چەندین زیانی تەندروستی مەترسیداری هەیە.

H.J